Rishi Sunak ka thëne që do të ulë më tej taksat pasi inflacioni ra nën objektivin e Bankës së Anglisë për herë të parë në gati tre vjet.
Indeksi i çmimeve të konsumit (CPI) ra në 2 përqind në maj, sipas Zyrës për Statistikat Kombëtare, i cili ishte në rënie nga 2.3 përqind në prill dhe në përputhje me pritjet e ekonomistëve.
Kjo shënon herën e parë që inflacioni është në objektivin e Bankës së Anglisë që nga korriku 2021, përpara se kriza e kostos së jetesës të shihte inflacionin në nivelin më të lartë të 41 viteve prej 11.1 përqind në tetor 2022.
Kryeministri, i cili e ka ndërtuar fushatën e tij zgjedhore mbi kredencialet e tij ekonomike, tha se rënia e inflacionit nënkuptonte se një qeveri e re konservatore do të ishte tani në një pozicion për të ulur më shumë taksa.
Ai tha : “Është për shkak të atij stabiliteti ekonomik që kemi rivendosur, që ishte prioriteti im kur mora këtë punë, që tani kemi mundur të fillojmë të shkurtojmë taksat e njerëzve.
“Nëse fitoj këto zgjedhje, dua të vazhdoj të bëj më shumë, duke ulur taksat për njerëzit në çdo fazë të jetës së tyre”.