Qeveria britanike do të investojë një rekord prej 3 miliardë paundësh për të trajnuar qytetarët vendas në tregun e punës dhe për të ulur varësinë nga punëtorët e huaj, bëri me dije kabineti qeveritar të martën.Investimi do të fokusohet në zhvillim e 120,000 mundësive të reja të trajnimit në sektorë si inxhinieria, shëndetësia, kujdesi social, si dhe sektori dixhital, thuhet në një deklaratë nga departamenti i arsimit i qeverisë.
Strategjia është ndërmarrë me synim aktivizimin e forcës punëtore vendase. Sipas të statistikave zyrtare më shumë se një në pesë britanikë në moshë pune nuk kanë një punë dhe nuk po kërkojnë një të tillë, që tregojnë shkallën e inaktivitetit në 21.4%, duke u rritur vazhdimisht që nga pandemia COVID-19.Krahas investimit të ri, qeveria ka vendosur edhe një rritje prej 32% të tarifave për punësimin e punëtorëve të huaj, me synimin për të nxitur punëdhënësit që të investojnë më shumë në fuqinë punëtore vendase. Kjo masë pritet të cojë në 45,000 vende shtesë trajnimi në sektorët me prioritet të lartë.
Kryeministri Keir Starmer ka deklaruar se “eksperimenti i kufijve të hapur ka mbaruar”, duke njoftuar orientimin e ri të politikës për fuqinë punëtore.
Megjithatë, bizneset kanë qenë skeptikë ndaj kësaj reforme të re duke thënë se nuk mund të mjaftojë stafi në nivel lokal, dhe se mungesa e punëtorëve të huaj mund të dëmtojnë ekonominë nëse nuk shoqëroheshin nga një rishikim themelor i sistemit të trajnimit të aftësive në vend.