Kryeministri i Britanisë së Madhe, Kier Starmer ka reaguar ndaj deklaratave të lideri të Partisë Reformuese të krahut të djathtë britanik, Nigel Farage, i cili e quajti mbërritjen e emigrantëve të paligjshëm me anije të vogla përmes Kanalit Anglez një “pushtim”.
– Advertisement –
Duke folur me gazetarët, zëdhënësi i kryeministrit pretendoi se qeveria po ofronte zgjidhje “serioze”.
“Sinqerisht, kjo e zemëron atë, sepse është e padrejtë për njerëzit e zakonshëm që punojnë, të cilët paguajnë çmimin, nga kostoja e hoteleve deri te shërbimet tona publike që vuajnë nga kjo situatë e vështirë. Kjo është arsyeja pse po ndërmarrim veprimet që po ndërmarrim, për të njohur forcën e ndjenjës në lidhje me këtë. Presionin që kjo ushtron mbi shërbimet publike dhe kjo është arsyeja pse po ndërmarrim veprime serioze praktike për të adresuar këtë çështje, jo vetëm duke u kthyer te truket e vjetra, zgjidhjet e vjetra që dështuan ta trajtonin këtë”.
Zëdhënësi tha se kryeministri nuk mendonte se Mbretëria e Bashkuar ishte në rrezik të trazirave civile.
Ai u pyet gjithashtu nëse administrata aktuale ishte e hapur për të bërë marrëveshje me vende si Afganistani dhe Eritrea, siç tha edhe Farage.
Zëdhënësi nuk e përjashtoi këtë mundësi, por tha se mënyra për të arritur marrëveshje ishte duke punuar me vendet e tjera dhe jo duke u tërhequr nga konventat ndërkombëtare.
I pyetur nëse qeveria ishte e lumtur të bënte një marrëveshje me talebanët, zëdhënësi tha se nuk do të fliste për vende individuale paraprakisht