Presidenti amerikan e bëri këtë sugjerim ndërsa qëndroi pranë kryeministrit për një konferencë shtypi diten e djeshme, duke i dhënë fund vizitës së tij shtetërore në Britani.
Duke folur në Chequers, zoti Trump paralajmëroi se migrimi i paligjshëm “do të shkatërrojë vendet nga brenda” dhe tha “se nuk eshte problem nëse thërret ushtrinë për t’u marrë me anijet e vogla.”
Ai foli për rekordin e tij të ndalimit të njerëzve që kalojnë kufirin SHBA-Meksikë. Sir Keir në vend të kësaj vuri në dukje marrëveshjen e qeverisë së tij me Francen për kthimin e migrantëve, dhe deportimin e parë të një burri që mbërriti me anije të vogël që ndodhi të enjten në mëngjes.
Fluturime të mëtejshme janë planifikuar të zhvillohen këtë javë dhe javën tjetër, duke filluar nga e premtja, ndërsa mbërritjet e shkëmbimit në Britani nëpërmjet rrugës ligjore të rënë dakord me francezët priten në ditët në vijim.
Z. Trump gjithashtu e përdori konferencën për shtyp për të pranuar se Vladimir Putin “më ka zhgënjyer vërtet”, pasi ka shtuar sulmet e tij kundër Ukrainës që nga koha kur të dy burrat mbajtën një samit paqeje në Alaska muajin e kaluar.