Një shtetas shqiptar me emrin Neritan Kuka është dënuar nga gjykata e North Staffordshire pasi u kap duke drejtuar automjetin nën ndikimin e drogave, ndërsa analiza e gjakut e “fik” atë përpara drejtësisë.
Rrethanat e incidentit
- Më 2 prill, rreth orës 01:00 të natës, policia e ndaloi në High Street, Tunstall një automjet Audi që po qarkullonte pa certifikatë MOT (kontroll teknik). Automjeti po lëvizte me shpejtësi të lartë pranë një rrethrrotullimi dhe u tërhoq nga policia për kontroll.
- Sipas testit të drogës që u bë në vendngjarje, rezultoi pozitiv për kokainë dhe kanabis. Analizat laboratorike më vonë zbuluan nivelin 141 mikrogramë kokainë për litër gjaku, ndërsa limiti legal është 10 mikrogramë për litër gjaku.
- Në gjykatë, Kuka pranoi akuzat për drejtim automjeti nën efektin e drogës dhe për përdorim të automjetit pa kontroll teknik (pa MOT).
Dënimet dhe sanksionet
Gjykata vendosi për Kukan:
- Ndalim nga drejtimi për 2 vjet
- 12 muaj shërbim komunitar
- 180 orë punë pa pagesë
- Ai u detyrua gjithashtu të paguajë 85 paund për kosto gjyqi dhe 114 paund gjobë administrative.
Avokatja mbrojtëse e Kukës argumentoi se ai kishte blerë makinën atë ditë dhe nuk kishte dijeni që mungonte certifikata MOT e saj.