fiskale që prek ndjeshëm pronarët e shtëpive të dhëna me qira (“buy-to-let”) si dhe përdoruesit dhe shoferët e shërbimeve të transportit privat si Uber dhe Bolt.
📌 Rritje e taksave për të ardhurat nga qiratë
Sipas njoftimeve të fundit nga Financial Times dhe Reuters, nga prilli 2027 normat e tatimit mbi të ardhurat nga prona do të rriten me 2 pikë përqindje në të gjitha kategoritë:
• Basic rate rritet nga 20% → 22%
• Higher rate rritet nga 40% → 42%
• Preken të gjithë individët që realizojnë të ardhura nga qiraja e pronave të tyre.
Ky ndryshim synon të rrisë të ardhurat buxhetore, por paralajmërohet se do të ketë ndikim të drejtpërdrejtë në fitimet e pronarëve që merren me qira afatgjata ose investime “buy-to-let”. Sektori i pasurive të patundshme e ka cilësuar këtë si një goditje të fuqishme për investitorët, sidomos pas masave të mëparshme që kufizuan përfitimet e interesave të hipotekave.
📌 Kërkesat e reja të licencimit nga bashkitë – ende jo të konfirmuara
Ndërkohë që disa njoftime jozyrtare në rrjetet sociale flasin për detyrim të ri që pronarët të pajisen me licencë nga bashkitë dhe të paguajnë £400–£900 në vit për çdo pronë të dhënë me qira, deri tani nuk ka asnjë burim zyrtar që e konfirmon këtë masë si pjesë të paketës së re kombëtare fiskale.
Megjithatë, disa bashki në Londër dhe qytete të tjera kanë tashmë skema lokale të licencimit për sektorin privat të qirave — por këto nuk janë pjesë e reformës së re tatimore.
📌 TVSH 20% për shërbimet Uber dhe Bolt
Qeveria ka paralajmëruar gjithashtu vendosjen e TVSH-së 20% mbi udhëtimet me shërbime të transportit privat si Uber, Bolt dhe kompani të tjera me licencë “private hire”.
Kjo do të shkaktojë:
• Rritje të çmimeve për pasagjerët
• Ulja të të ardhurave neto për shoferët, të cilët tashmë përballen me ulje tarifash dhe rritje kostosh operacionale.
Industria e ka kritikuar masën si “të panevojshme” dhe paralajmëron se rritja e çmimeve mund të largojë pasagjerët drejt alternativave të tjera të transportit.
📌 Reagime nga sektori
Pronarët e shtëpive, agjentët imobiliarë dhe organizatat e transportit kanë shprehur shqetësim se këto masa pritet të ndikojnë drejtpërdrejt kostot e jetesës, qiratë dhe çmimet e shërbimeve.
Sipas analistëve, rritja e taksave për qiratë mund të çojë në:
• Rritje të çmimeve të qirasë
• Dalje të disa pronarëve nga tregu
• Ulje të ofertës së banesave me qira
Ndërsa TVSH-ja e re për Uber/Bolt rrezikon të rëndojë më tej sektorin e transportit privat, i cili ka pësuar rënie të fitimeve vitet e fundit.