Policia kreu një shpërthim të kontrolluar në veri të Londrës pasi dy valixhe, të konsideruara fillimisht “potencialisht të dyshimta”, u raportuan të lëna në një stacion autobusi në Golders Green.
Oficerët u njoftuan për pakot në orën 16:56 të enjten, më 20 gusht, pasi u raportua se ato ishin lënë në një stacion autobusi.
Policia Metropolitane dërgoi në vendngjarje oficerë specialistë, përfshirë ekspertë të eksplozivëve. Ata kryen një shpërthim të kontrolluar të sendeve në Golders Green Road, në kryqëzimin me Golders Manor Drive, NW11.
Zona u rrethua nga policia si masë sigurie gjatë operacionit. Në ndihmë të policisë ishte edhe London Fire Brigade.
Pas kontrollit dhe shpërthimit të kontrolluar, policia konfirmoi se valixhet nuk përbënin rrezik dhe nuk ishin të dyshimta. Megjithatë, hetimet për rrethanat se si dhe pse ato u lanë aty vazhdojnë.
Policia u ka kërkuar personave që mund të kenë informacion në lidhje me ngjarjen të kontaktojnë autoritetet, duke cituar numrin e rastit CAD5492/20AUG.
Pra, nuk rezultoi të kishte bombë apo eksploziv në valixhe. Policia i shpërtheu në mënyrë të kontrolluar si masë paraprake, sepse në atë moment nuk dihej çfarë kishte brenda.