Dy oficerë të Forcës Kufitare britanike (Border Force) janë arrestuar në aeroportin Heathrow nën dyshimet për përfshirje në trafik droge.
Sipas raportimeve në mediat britanike, një oficere u arrestua gjatë kohës që ishte në detyrë në Terminalin 3 të aeroportit Heathrow, ndërsa kolegu i saj u arrestua në banesën e tij.
Arrestimet janë kryer më 26 gusht, në kuadër të një operacioni ku është përfshirë edhe Agjencia Kombëtare kundër Krimit (NCA).
Dy oficerët dyshohet se po hetohen në lidhje me trafikimin e lëndëve narkotike. Pas arrestimit, ata janë pezulluar nga detyra ndërsa autoritetet vazhdojnë hetimet për të sqaruar plotësisht rrethanat dhe përmasat e mundshme të çështjes.
Rasti ka marrë vëmendje të veçantë për shkak të pozicioneve të të dyshuarve në Border Force, strukturë përgjegjëse për kontrollet kufitare dhe luftën kundër kontrabandës në pikat hyrëse të Mbretërisë së Bashkuar.
Hetimet vijojnë dhe pritet që autoritetet britanike të japin informacione të mëtejshme mbi çështjen.