Një imam në Londër është dënuar me burgim të përjetshëm pasi u shpall fajtor për përdhunimin dhe abuzimin seksual të 7 grave dhe vajzave, disa prej tyre të mitura.
Abdul Halim Khan, 54 vjeç, përdorte pozitën e tij si udhëheqës fetar për t’i bindur viktimat se ishin të prekura nga “magjia e zezë” dhe “shpirtrat e këqij”, duke pretenduar se mund t’i “shëronte” përmes ritualeve fetare.
Sipas autoriteteve britanike, ai i manipulonte vajzat dhe gratë duke i frikësuar se familjet e tyre do të mallkoheshin ose do t’u ndodhnin fatkeqësi nëse tregonin për abuzimet.
Krimet kanë ndodhur mes viteve 2004 dhe 2015, ndërsa viktima më e vogël ishte vetëm 13 vjeçe. Hetimet nisën pasi një prej vajzave rrëfeu abuzimin te një mësuese në vitin 2018.
Gjykata Crown Court në Snaresbrook e dënoi Khan me burgim të përjetshëm, me minimum 20 vite burg. Gjyqtarja e çështjes deklaroi se ai kishte shfrytëzuar besimin dhe autoritetin fetar për të kryer abuzime seksuale ndaj viktimave të pambrojtura.
Autoritetet britanike e cilësuan rastin si një nga format më të rënda të manipulimit dhe shfrytëzimit seksual nën petkun e fesë.