Një person është plagosur rëndë me thikë pas një incidenti të ndodhur në zonën Booth Road, Colindale, në veri të Londrës.
Ngjarja ndodhi rreth orës 23:09, kur shërbimet e emergjencës u njoftuan për një sulm me armë të ftohtë. Në vendngjarje mbërritën menjëherë ekipe të Policisë Metropolitane, ambulanca, një paramedik me automjet të reagimit të shpejtë, si dhe ekipi i London’s Air Ambulance.
Viktima, një djale i ri rreth të njëzetave, mori ndihmën e parë në vendngjarje dhe më pas u transportua me urgjencë në një qendër të specializuar të traumës. Sipas autoriteteve, plagët e marra konsiderohen serioze dhe mund të kenë pasoja afatgjata.
Policia ka rrethuar zonën për të kryer hetimet, ndërsa deri më tani nuk është arrestuar asnjë person në lidhje me ngjarjen. Oficerët kanë shtuar patrullimet në Colindale dhe po u bëjnë thirrje banorëve që kanë parë diçka ose disponojnë pamje nga kamerat e sigurisë të kontaktojnë policinë.
Hetimet për zbardhjen e plotë të rrethanave të sulmit vijojnë.