Nga shtatori 2026, në Angli hyn në fuqi një ligj i ri që synon të ulë koston e uniformave shkollore për familjet.
Sipas rregullave të reja, shkollat shtetërore do të mund të kërkojnë vetëm deri në tre artikuj të detyrueshëm me logon e shkollës. Për shkollat e mesme do të lejohet deri në katër artikuj, vetëm në rastet kur njëri prej tyre është kravata.
Pjesa tjetër e uniformës, si pantallonat, këmishët, fundet apo pulovrat, mund të blihet lirshëm në supermarkete dhe dyqane të zakonshme, duke u dhënë prindërve më shumë mundësi për të kursyer.
Qeveria britanike vlerëson se ndryshimet do t’u kursejnë familjeve deri në 50 paund për çdo fëmijë, duke e bërë përgatitjen për vitin e ri shkollor më të përballueshme.
Reforma është pjesë e një pakete më të gjerë masash për mbështetjen e familjeve dhe uljen e kostos së jetesës në Angli.