Miliona shoferë që përdorin makina me benzinë dhe naftë mund të përfitojnë nga një ofertë e Asda-s për të ulur shpenzimet e karburantit.
Sipas ofertës, shoferët që shkojnë në një Asda Express mund të përfitojnë 3 pence zbritje për çdo litër karburant, pasi të shpenzojnë të paktën £15 për produkte ushqimore.
Oferta është e disponueshme në më shumë se 500 dyqane Asda Express në Mbretërinë e Bashkuar. Për ta përfituar, klienti duhet të bëjë blerje me vlerë të paktën £15 dhe më pas të paguajë karburantin dhe blerjet sipas kushteve të ofertës.
Për shembull, nëse mbush makinën me 50 litra karburant, një zbritje prej 3p për litër do të thotë një kursim prej £1.50 në atë furnizim.
Joseph Sutton, drejtues në sektorin Asda Express, ushqim dhe karburant, tha se kompania e kupton se çdo qindarkë ka rëndësi për klientët dhe se oferta synon t’u japë njerëzve një ndihmë shtesë, duke i lejuar të kursejnë në karburant ndërsa blejnë produktet e përditshme.