Një jaht që transportonte emigrantë të paligjshëm është ndaluar në Kanalin Anglez. Shtatë persona, përfshirë ekuipazhin dhe emigrantët, janë arrestuar gjatë operacionit të Forcës Kufitare dhe Agjencisë Kombëtare të Krimit (NCA).
Jahti, i cili vinte nga Franca veriore, u lokalizua pranë Ishullit Wight të dielën pasdite. Dy anëtarët e ekuipazhit, dy burra ukrainas, 43 dhe 37 vjeç, u arrestuan për lehtësim të imigracionit të paligjshëm.
Ndërkohë, pesë pasagjerë u ndaluan për shkelje të ligjeve të imigracionit, përfshirë katër shqiptarë dhe një shtetas vietnamez.
Zyrtari i lartë hetues Julian Harriman tha se ky operacion është pjesë e një hetimi të vazhdueshëm në bashkëpunim me autoritetet franceze dhe Xhandarmërinë Kombëtare, duke theksuar rëndësinë e luftës kundër bandave që kontrabandojnë njerëz.