Një djalë i ri rreth të 20-ave është në spital pasi u godit me thikë brenda një restoranti në Willesden. Incidenti ndodhi në Walm Lane pranë stacionit Willesden Green pak pas orës 21:05 dje (1 prill).
Zyrtarët thonë se viktima ishte duke vozitur veturën e tij kur u ndoq nga një i dyshuar në një automjet tjetër.
Besohet se ka ndodhur një përplasje dhe djali ka hyrë me vrap në restorantin ku është goditur me thikë.
Viktima më pas u dërgua në spital ku lëndimet e tij u vlerësuan jashtë rrezikut për jetën. Nuk ka asnjë të arrestuar ndërsa policia vijon hetimet për rrethanat.
Një zëdhënës i Policisë Metropolitane tha: “Policia u thirr rreth orës 21:06 të së martës, 1 prill, për raportimet për një goditje me thikë brenda një restoranti në Walm Lane, Willesden.
“Një burrë rreth të 20-ave u vetëparaqit në spital me plagë me thikë. Gjendja e tij nuk është kërcënuese për jetën apo që ndryshon jetën.
“Besohet se viktima ishte duke vozitur veturën e tij kur u ndoq nga i dyshuari në një automjet tjetër. Një përplasje ndodhi dhe viktima vrapoi në restorantin ku u godit me thikë. “Asnjë arrestim nuk është bërë në këtë moment, por oficerët vazhdojnë të ndjekin të gjitha linjat e disponueshme të hetimit.