Policia e Cheshire në Mbretërinë e Bashkuar ka ndërmarrë një operacion të gjerë duke përfshirë rreth 500 oficerë, të cilët bastisën një objekt të lidhur me grupin “Ahmadi Religion of Peace and Light” në zonën e Crewe.
Sipas autoriteteve, operacioni u zhvillua pas informacioneve serioze që lidhen me trafikim njerëzor, shfrytëzim seksual, martesë të detyruar dhe forma të tjera të abuzimit. Si rezultat i ndërhyrjes, disa persona janë arrestuar dhe aktualisht po merren në pyetje nga hetuesit.
Policia bëri të ditur se hetimi është në vijim dhe theksoi se veprimet janë të drejtuara ndaj individëve të dyshuar, dhe jo ndaj besimit fetar në vetvete.
Autoritetet shtuan se prioritet mbetet mbrojtja e personave të cenueshëm dhe zbardhja e plotë e rrethanave të kësaj çështjeje.