Zjarr i madh në Brent, Londër – 70 persona evakuuan gjatë natës
Një zjarr i madh shpërtheu në një magazinë dykatëshe në rrugën Oxgate Lane, në zonën e Brent, në veri-perëndim të Londrës, gjatë orëve të vona të natës. Për shkak të rrezikut nga flakët dhe tymi i dendur, rreth 70 banorë të një blloku apartamentesh aty pranë u evakuuan si masë paraprake.
Në operacion morën pjesë 25 automjete zjarrfikëse dhe mbi 150 zjarrfikës nga stacionet e afërta, përfshirë Hendon, Willesden Green dhe West Hampstead. Ekipet përdorën edhe shkallë të larta hidraulike për të luftuar flakët nga lart.
Sipas London Fire Brigade, shumica e ndërtesës së magazinës dhe çatia e saj u përfshinë nga zjarri. Shërbimi zjarrfikës mori mbi 70 telefonata emergjente nga qytetarët që raportuan flakët dhe tymin e dukshëm nga kilometra larg.
Autoritetet u kërkuan banorëve të zonës të mbanin dritaret dhe dyert të mbyllura për shkak të sasisë së madhe të tymit. Disa rrugë përreth, përfshirë Oxgate Lane dhe pjesë të Edgware Road, u mbyllën për qarkullim.
Deri tani nuk raportohet për viktima apo të lënduar rëndë, ndërsa shkaku i zjarrit mbetet ende nën hetim.
Brent është një nga lagjet më të populluara të Londrës dhe zona e zjarrit ndodhet pranë kompleksit industrial të Staples Corner.