Më shumë se 1,250 persona të dyshuar se punonin ilegalisht janë arrestuar në Londër që nga fillimi i vitit 2026, sipas të dhënave të bëra publike nga Home Office.
Autoritetet britanike të emigracionit kanë intensifikuar kontrollet në kryeqytet, duke ndërhyrë në vende të ndryshme pune ku dyshohej se punësoheshin persona pa të drejtë ligjore për të punuar në Mbretërinë e Bashkuar.
Sipas raportimit të MyLondon, oficerët e Immigration Enforcement kanë kryer kontrolle në restorante, biznese dhe zona me karvanë në pjesë të ndryshme të Londrës.
Operacionet kanë çuar në mbi 1,250 arrestime vetëm gjatë vitit 2026, shifër që tregon përmasat e aksionit të autoriteteve kundër punësimit të paligjshëm në kryeqytetin britanik.
Në shënjestër janë edhe punëdhënësit që dyshohet se angazhojnë persona pa dokumentacionin dhe të drejtën e nevojshme për punë.
Kontrollet janë pjesë e politikës së qeverisë britanike për forcimin e zbatimit të ligjeve të emigracionit dhe goditjen e ekonomisë së paligjshme të punës.