Kjo ide e qeverisë britanike, në gjakimin për t’u dukur ndryshe nga qeveria e mëparshme konservatore që e mundi në zgjedhjet e korrikut të kaluar, duket e ashper dhe e re. Dukshëm do tërheq vëmëndjen mediatike edhe nëse nuk do ketë sukses. Dukshëm do tërheq vëmendjen mediatike edhe nëse nuk do ketë sukses. Në thelb Londra kërkon t’u pres financimet atyre që Forin Ofisi i konsideron si rrjete të emigrimit të organizuar, me qëllim që trafikantët të mos pasurohen më tej dhe fuqizohen nga trafikimi i njerëzve të pafajshëm. Retorika deri këtu funksionon. por realiteti është ndryshe dhe më i vështirë. Britania deri më tani ka harxhuar rreth një miliardë stërlina dhënë Francës për të penguar kalimet ilegale në La Mansh, e shifrat e të ardhurve ende vazhdojnë të jenë shumë të larta, dhe britaniket ende te irrituar nga kjo impotence, qoftë nga francezët, qoftë nga qeveritë e tyre.
Sanksionet do duhet të kenë edhe bashkëpunimin e vendeve evropiane, koordinimin e veprimeve dhe ndarjen e informacioneve inteligjente, proces që është bërë më i vështirë pas Brexi-tit. Ministri i Jashtëm britanik foli edhe për sanksione ndaj drejtuesve të këtyre grupeve të trafikimit, jashtë Britanisë ku historia ka treguar se kur bie njeri prej tyre, del një tjetër që e zëvendëson. Por siç shkruan Sky News nëse do aplikohen sanksione ndaj drejtuesve të trafikimit në Irak, Siri, Libi, Egjipt, Shqipëri e me tej, paçin fat, autoritetet britanike.
Sanksionet mund të funksionojnë, por politikanët britanik me shumicën e vendeve të origjinës, kanë pak bashkëpunim me vende si Afganistani apo Iraku e ndonjë vend tjetër. Ndërkohë ajo qe nuk po targetohet efektivisht në luftën që tashmë ndryshe deri me sot nga emigracion i paligjshëm, po cilësohet ndryshe, si emigracion i parregullt, nga qeveria e re laburiste, është fakti se përse Britania mbetet destinacioni final I emigrantëve, edhe pse vendos sanksione apo paguan pa sukses vendi të tjera si Franca, të cilët ende duan të vijnë vetëm në Britani dhe nuk qëndrojnë në vende të tjera të sigurta, përpara se të mbërrijnë në brigjet angleze. Pa kuptuar ose eliminuar këtë force magnetike, sanksionet dhe masat do vazhdojnë, ashtu si edhe kalimet ilegale, për një kohë të papërcaktuar, as nga vet autoritetet e ligj zbatimit dhe politikanet britanik.