Jurgen Uldedaj është shpallur kampion bote IBO (Organizata Ndërkombëtare e Boksit), pasi fitoi ndeshjen kundër kamerunasit Rolly Lambert Fogoum.Ky është një moment historik për sportin shqiptar, pasi është hera e parë që një boksier shqiptar fiton një titull botëror në këtë organizatë. Ndeshja ishte e ekuilibruar në raundet e para, por Uldedaj arriti të merrte kontrollin dhe të fitonte me vendim të gjyqtarëve.
Ky sukses e ngre shqiptarin në nivelin më të lartë të boksit profesionist dhe përmbyll me një rezultat pozitiv një udhëtim të gjatë ndërkombëtar. Deri më tani, ai ka 21 fitore në karrierë, nga të cilat 12 me nokaut. Gjatë viteve, Uldedaj ka mbajtur tituj të rëndësishëm si “WBO Youth”, “WBC Youth”, “IBF International”, “WBA Inter-Continental” dhe “IBO Mediterranean”.
Edhe pse stërvitet midis Gjermanisë dhe Anglisë, ai vazhdon të garojë nën flamurin shqiptar, duke përfaqësuar vendin në arenat më prestigjioze në botë.