Një ngjarje tronditëse ka ndodhur në Mbretëria e Bashkuar, ku dy shtetas shqiptarë kanë përfunduar në prangat e policisë pas një përplasjeje fatale me makinë. Viktima e kësaj ngjarjeje të rëndë është një këmbësor rreth moshës 80 vjeç, i cili nuk arriti t’u mbijetojë plagëve të marra.
Sipas informacioneve paraprake, automjeti ku ndodheshin dy shqiptarët ka goditur të moshuarin në rrethana ende të paqarta. Goditja ka qenë e fortë, duke e lënë viktimën në gjendje kritike. Edhe pse shërbimet e emergjencës mbërritën me shpejtësi dhe e transportuan atë drejt spitalit, jeta e tij nuk mundi të shpëtohej.
Policia britanike reagoi menjëherë duke arrestuar dy shqiptarët, ndërsa zona u rrethua për disa orë me qëllim zbardhjen e plotë të ngjarjes. Hetuesit po shqyrtojnë të gjitha pistat, përfshirë mënyrën e drejtimit të mjetit dhe përgjegjësinë e të dyshuarve në këtë aksident fatal.
Ngjarja ka shkaktuar tronditje në komunitetin lokal, ndërsa autoritetet kanë paralajmëruar masa të rrepta ligjore nëse provohet shkelje e ligjit. Hetimet janë në vijim dhe pritet që detaje të reja të bëhen publike në orët dhe ditët në vazhdim.