Një valë e fortë të ftohti ka përfshirë Mbretëria e Bashkuar, ku gjatë ditëve në vijim parashikohen temperatura shumë të ulëta dhe reshje të konsiderueshme bore në disa rajone të vendit.
Sipas parashikimeve meteorologjike, në zona të caktuara pritet të grumbullohen deri në 10 centimetra borë, ndërsa temperaturat do të zbresin nën zero, veçanërisht gjatë natës dhe në orët e para të mëngjesit. Kushtet më të vështira priten në zonat veriore, rajonet malore dhe disa pjesë të Anglisë, Skocisë dhe Uellsit.
Autoritetet kanë lëshuar paralajmërime për borë dhe akull, duke theksuar rrezikun për rrugë të ngrira, vonesa në transportin publik dhe ndërprerje të mundshme të shërbimeve. Qytetarët këshillohen të tregojnë kujdes të shtuar, të ndjekin njoftimet zyrtare dhe të shmangin udhëtimet e panevojshme gjatë periudhave me mot ekstrem.