Dy shtetas britanikë janë dënuar me burgim të përjetshëm pas një grabitjeje të dhunshme që përfundoi me vrasjen e shqiptarit Indrit Mustafaj, 26 vjeç. Michael Mulvana, 32 vjeç, dhe Jobie Tyers, 28 vjeç, nga Jorku, hynë me forcë në një apartament ku plagosën rëndë një grua dhe sulmuan për vdekje Mustafajn, i cili ndodhej me të.
Sipas BBC, viktima tentoi të fshihej në një cep të dhomës, por autorët e goditën me hanxhar, duke i shkaktuar vdekjen në vend. Ngjarja ka tronditur opinionin publik, ndërsa gjykata i cilësoi veprimet e dy të pandehurve si jashtëzakonisht të dhunshme dhe të qëllimshme.